Серле театр донъяһында

#ТеатрКөнө
#БөйөкЕңеүҙең80йыллығы
Ауыл мәҙәниәт йортонда «Серле театр донъяһында» исемле театрлаштырылған тамаша үткәрелде. Тамашала Назар Нәжмиҙең «Гармунсы дуҫ» драмаһынан өҙөктәр сәхнәләштерелде, төрлө пьесаларҙан йырҙар яңғыраны, Таңһылыу Вәлиеваның «Бәхәс» исемле хикәйәһе сәхнәләштерелде, «Һәнәк» журналына байҡау яһалды. «Һаҡмар» халыҡ театры әртистәренең, «Һаҡмар һандуғастары» ансамбле йырсыларының сығыштары тамашасылар күңеленә хуш килде.