Квест “Башҡортостандың ете мөғжизәһе”

Ауыл китапханаһында мәҙәниәт хеҙмәткәрҙәре менән берлектә 9 класс уҡыусылары өсөн “Башҡортостандың ете мөғжизәһе” исемле квест үткәрелде. Уҡыусылар, ике командаға бүленеп, ете төрлө мәсьәләне сисергә старт алды. Беренсе пункттан етенсеһенә тиклем, тыуған илебеҙ – Башҡортостан тематикаһына арналған пазлдар төҙөп, билдәле шәхестәрҙең исемдәрен атап, ребустар сисеп, йомаҡтарға, викторинаға яуаптар табып, һүрәттәре аҫтына ҡоштар һәм йәнлектәрҙең исемдәрен яҙып, етенсе пунктҡа килеп еттеләр. Унда инде уҡыусылар китап эсенә йәшеренгән ете мөғжизәнең исемен табып уҡынылар. Һөҙөмтәлә, “Алдыңғылар” командаһы алға сыҡты. Уҡыусылар Башҡортостандың ете мөғжизәһе тураһында бай мәғлүмәт алдылар. Квест бик күңелле һәм мауыҡтырғыс үтте.